Жемқорлыққа қарсы күрес - «Сәкен Сейфуллин атындағы № 2 жалпы білім беретін орта мектебі» мемлекеттік коммуналдық мекемесісі

Адал ұрпақ

admin — Thu, 20 May 2021 08:59:02 +0600

РЕНАТ БЕКТҰРОВПЕН «АДАЛДЫҚ САҒАТЫ»

admin — Tue, 06 Oct 2020 09:49:37 +0600

РЕНАТ БЕКТҰРОВПЕН «АДАЛДЫҚ САҒАТЫ»

Сыбайлас жемқорлыққа қарсы іс-қимыл агенттігі жаңа форматтағы «Адалдық сағатын» өткізді.

Бұл «Адалдық сағаты» қазақстандық жастар үшін жаңа тұлға, замандас және табысты жас көшбасшы Ренат Бектұровты танытқанымен ерекшеленді.

Ренат Бектұров 1984 жылы 13 қазанда Алматы облысында дүниеге келген. Astana International Exchange Басқарма мүшесі.

Қаржылық қызмет көрсету саласында 10 жылдан аса жұмыс тәжірибесі бар. Ол ТМД аймағындағы сукук (ислам бағалы қағаздары) алғашқы шығарылымы сияқты борыштық капитал нарығындағы бірқатар маңызды мәмілелерге қатысқан.

Ренат Лестер университетін үздік бітіріп, банк ісі және қаржы саласында магистр дәрежесін иеленген, сондай-ақ сертификатталған қаржы аналитигі дәрежесіне ие (CFA Charter Holder).

Президенттік жастар кадр резервінде бірінші орынға ие болды.

Р.Бектұров өз сөзінде ұлы Абайдың тағылымын алға тартып, «Парасаттылық деген талап, еңбек, терең ой, қанағат, рахым сияқты адами қасиеттердің жиынтығы», - деді.

Сондай-ақ жастарды табанды еңбек етуге, тұлғалық дамуға және патриот болуға шақырды. Оның пікірінше, жетістіктің құпия тұздығы – сәттілік, бірақ негізгі құрамдас бөлігі – еңбек.

Ол өзінің жеке өмірі мен мансабында жетістікке жетуге мүмкіндік берген әділеттілік пен адалдық сияқты өмірлік құндылықтарымен бөлісті.

Бейне-дәріс барысында көрермендер қандай мектеп мұғалімі өміріне әсер еткенін, оның ойынша жастар үшін сәттіліктің кепілі не екенін және зияткерлік ұлтты қандай қасиеттерді анықтайтынын білді.

Бәрімізге белгілі, «Адалдық сағаты» акциясының негізгі мақсаты – өскелең ұрпақтың бойында сыбайлас жемқорлыққа қарсы мәдениетті қалыптастыру және адалдық, әділдік, инабаттылық және сенім сияқты ең маңызды адамгершілік құндылықтарды дарыту.

1 қыркүйек – Білім күні

admin — Tue, 01 Sep 2020 09:53:42 +0600

1 қыркүйек – Білім күні

Қазақстан Республикасы Білім және ғылым министрлігінің 28.08.2020-ғы № 5-11-5/3186-И шығыс хаты негізінде оқушылардың, педагогтердің және ата-аналардың өмірі мен денсаулығын сақтауды қамтамасыз ете отырып, сондай-ақ коронавирустық инфекцияның таралуының алдын алу мақсатында 1-қыркүйек Білім күні және жаңа 2020-2021 оқу жылының басталуына арналған салтанатты іс-шарасы МАД тобының, 1-11 сыныптарда қашықтан өткізілді.

Сынып сағаттары тек оқушылардың қатысуымен өткізілді. Қашықтан оқытылатын сыныптар үшін сынып сағаттары ZOOM платформасы арқылы ұйымдастырылды.

Сынып сағатының мақсаты: 1-қыркүйек Білім күні және 2020-2021 оқу жылының басталуына арналған салтанатты іс шара санитарлық-эпидемиялогиялық жағдайды ескере отырып, әртүрлі форматта оқушылардың оқуына позитивті ынтасын, оқушылардың оқуға және өз денсаулығына құндылықты қарым-қатынасын қалыптастыру, өзін-өзі ұйымдастыруға дағдыландыру.

Сынып сағаттарына тақырыптық материалдарды таңдау кезінде әр сынып оқушыларының жас ерекшеліктері ескеріліп, қашықтан өтетін сынып сағаттарының ұзақтығы 30 минутқа жоспарланып өткізілді.

МАД, 1-4-сыныптар –«Қазақстан Республикасы Конституциясының 25 жылдығы»

5- 7 сыныптар:- «Әбу Насыр Әл-Фарабидің 1150 жылдығы»

8-11 сыныптар:- «Абай Құнанбаевтың 175 жылдығы»

№	Өткізілу уақыты	сыныптар	жауапты
1	9⁰⁰-9³⁰	МАД тобы	Сынып жетекшілері
2	9⁰⁰-9³⁰	1-2	Сынып жетекшілері
3	9³⁰-10⁰⁰	3-4	Сынып жетекшілері
4	10⁰⁰-10³⁰	5-7	Сынып жетекшілері
5	10³⁰-11⁰⁰	8-9	Сынып жетекшілері
6	11⁰⁰-11³⁰	10-11	Сынып жетекшілері

Сынып сағаттары барысында оқушыларға денсаулықты сақтай отыра, білімнен қол үзбеуге, тәрбиелі болуына, әлеуеттенуіне, күнделікті оқу режимін сақтауға, жеке бас гигиенасы талаптарын қатаң ұстануға бағытталған түсіндірме жұмыстары жүргізілді.

1-ші сыныпқа қабылданған 206 оқушылар үшін сценарилер жасалып презентация түрінде жүргізілді.